【獨媒報導】英國樂隊Coldplay兩周前在啟德體育園主場館的演出，不過不少歌迷購票後才知座位視線受阻，部份座位更為「負角度」，消委會截至昨日共接獲238宗相關投訴。有早前購票Coldplay演唱會的觀眾在電台節目投訴，指購票及取票時均沒有列明「視線受阻」，入場後才發現位置對住舞台側銀幕及後台，九成時間只望到Coldplay的背脊。立法會議員江玉歡認為啟德體育園主場館應提供更詳細的座位表，列出位置有何障礙物。
觀眾：根本唔應該劃出嚟
觀眾周小姐今早在港台節目《千禧年代》表示，經Klook購買酒店連兩張門票Coldplay門票的套票，當中列明門票價格為最貴的2,099元，只提及座位於舞台兩側，並無表明會視線受阻。她稱取票後亦無相關提示，是當日到現場後才發現座位屬「山頂位」，正對着銀幕及支柱：「去到我哋坐低，係『吓』咗一聲，就係睇到銀幕同埋睇到佢個後台囉，佢個後台好清楚睇到啦。」她強調九成時間只望到Coldplay的背脊與銀幕，「佢間唔中擰過嚟先見到佢個樣」。
她憶述附近的觀眾亦感到氣憤：「隔離兩個坐喺比較中間位置嘅人，一坐低第一個反應都係『吓！咁咪睇唔到』。」她強調「個啲位根本唔應該劃出嚟俾觀眾睇」。
網上圖片
稱外地演唱會劃分更仔細
周小姐指今次為第四次睇Coldplay演唱會，首三次均在外地，她表示外地門票雖不指明具體座位，但會將場館分做更仔細的區域：「佢嗰啲section唔會咁大囉，佢可能話sectionAA咁，佢就係好細細格，係台嘅左邊、台嘅右邊、台嘅前面，起碼呢樣嘢佢會講得好清楚⋯⋯今次啟德$2,099嗰個，就完全無好清晰咁同我講係邊個area。」
周小姐稱當時情況混亂，沒有即時向工作人員反映情況，「你無理由去同一啲check你袋嘅工作人員講，其實都無用。」她事後有向Klook投訴，惟對方指售票時已標明為舞台兩旁位置：「但你無講過視線受阻呀嘛，佢係舞台隔離，但佢視線受阻呀嘛。」她亦有向售票網站Cityline反映，但回覆者為聊天機械人，無提供有效資訊，她打算向消委會投訴。
啟德體育園圖片
斥「成個experience真係好差」
被問到對日後演唱會安排有甚麼建議時，周小姐表示「最基本嗰個唔應該話係位先啦」。她又指事後檢視座位表，認為資訊不清晰，「佢話側邊，究竟側幾多先係視線受阻呢？完全無寫到！」她認為主辦方有責任列明清楚位置，並應再細分座位範圍，以及售票網應要主動跟進投訴：「唔應該之後發生咗呢件事，又唔跟進，又唔負責囉，其實成個experience真係好差。」
江玉歡（資料圖片）
江玉歡：觀眾如購票時不知視線受阻 投訴成立機會高
選委界立法會議員江玉歡在同一節目稱，自己在二手網站購入Coldplay演唱會990元的門票，形容位置接近「山頂」，被「delay tower」遮擋視線，「都好視線受阻」。她稱沒打算追究：「算啦，坐到咁山頂睇住電視，我都已經好開心，都冇乜怨言，整體氣氛相當好，知自己坐山頂都唔好要求太多啦。」
江玉歡表示爭議重點在於觀眾購票時是否知悉座位屬視線受阻，如購票時沒有提示，但取票或入場後才發現視線受阻就不理想、有商榷空間：「理論上消費者應該有足夠資料睇到自己買嘅位係視線受阻，如果佢都選擇買，咁無得賴人啦。」她指如消費者購票時不知座位視線受阻，到取票後才得知，可向消委會投訴，並認為投訴成立的機會「相對係要高嘅。」
啟德體育園圖片
倡參考外國設詳細座位表
江玉歡又認為啟德體育園主場館應提供一個更詳細的座位表，將區域劃得更仔細，並列出有甚麼障礙物。她指「喺世界嘅其他場館我都見過」，又指外國有「互動座位表」，「你會睇到自己坐喺邊，同埋亦都會睇到如果有障礙物嘅時候，嗰啲障礙物喺邊一度。」她表示今次演唱會的價錢種類不多，認為日後可按視線受阻的程度，調整價錢供消費者選擇。
