為慶祝「英皇娛樂25+ HAPPY BIRTHDAY慶典」，一眾英皇歌手輪流出動造勢，今次聯乘「BEAT FRIDAY」舉行《英皇盛世之夜 Canton Disco Vibes》，以英皇經典金曲到新派作品串連整個晚上，一首接一首，將現場氣氛由頭帶到落尾，熱鬧非凡。 昨晚（27日），周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身派對，何佩瑜（Jeana）更驚喜客串擔任客席DJ打碟，溫碧霞（Irene）及楊天宇（Angus）亦有到場感受熾熱氛圍。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派的《FOMO》、《FM520》、《免費升級》、《框框》，每一首都吸引不同年代的樂迷跟着大合唱，場面震撼。 經過一輪熱身後，Arvin、Andy、Dark及VIVA先後上台跟樂迷一齊跳唱，將現場氣氛逐步推高。壓軸登場的周國賢，音樂一響起，全場隨即陷入瘋狂尖叫，將整晚氣氛推向最高峰。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到即場脫掉外套，他興奮表示：「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」 VIVA全晚玩得極度興奮，成員們異口同聲表示：「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享了一段小插曲：「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」 曾傲棐（Arvin）坦言感覺新鮮：「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」黎展峯（Andy）則大讚全晚氣氛：「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」黃明德（Dark）亦笑言：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」 Source link

任暟晴ABRSM聲樂＋鋼琴8級 《聲夢傳奇2》總冠軍任暟晴（Jasmine）3歲開始已學習唱歌，並考獲ABRSM聲樂8級及鋼琴8級！以「完美主義」馳名的Jasmine，為了以最佳狀態迎戰，即使學業功課繁忙，仍抽空為挑戰《唱錢》9格Sing盤日練夜練，做足準備，並揚言參加節目目的是「挑戰自己平時冇唱開嘅歌」。 眼仔睩睩＋手指跟著節拍移動勁專注 Jasmine雖然只有20歲年紀尚輕，但挑戰作風卻相當穩健保守，喜歡循序漸進由Level 1逐格順序挑戰上去之餘，每次被問到有否信心過關時，她都以「盡力而為」回應，成為「盡力而為女王」。 保守穩健作風與真實年紀成極大反差 據知今集歌單有齊「超級天后」名曲及本地實力女歌手Hit爆金曲，期待值爆燈。Jasmine唱歌時不但眼仔睩睩、全神貫注，而且手指更會跟著節拍上下移動，超級認真。Jasmine還自創了克服危險區絕招：「與其望住個Bar，我情願闔埋眼focus。」相當有策略，亦證明她對所有歌都已練得滾瓜爛熟。 搶先挑戰神級千年之戀 甜美鬼馬表情成全場焦點 TVB亦率先公開了Jasmine在節目中挑戰爆Hit K歌《千年之戀》的絕密片段。面對這首被音樂總監評為難度極高兼有大量轉Key的超高難度作品，她的臨場表現依然極度穩定，聲音悅耳完美駕馭複雜音準。 她在跌入危險區域時照樣從容不迫，每次被問及過關信心均謙虛地以「盡力而為」四字真言回應。當不用唱歌與三位主持閒聊時，她瞬間切換成表情多多兼古靈精怪的甜美模式，扁嘴放電的模樣成功融化大批粉絲。 Source link