出版：2026-Mar-30 12:33 更新：2026-Mar-30 12:33 尖沙咀海港城與Bandai Namco Asia舉行大型動漫主題活動，受大雨影響展區放置高達模型的位置受波及「入水」。(Bobby Cheng@高達同好聚FB) 尖沙咀海港城與Bandai Namco Asia合作於3月27日至5月5日舉行大型動漫主題活動，匯聚《機動戰士高達》、《龍珠》、《海賊王》等多個殿堂級人氣作品，更於戶外展區展示多款高達模型，惟今日(30日)早上本港天氣轉差受大雨影響，天文台更一度發出黃色暴雨警告，令展區放置高達模型的位置受波及「入水」。 Facebook群組「高達同好聚 GUNDAM GROUP GATHERING 」有網民今日早上發帖稱，「一場雨，展品都濕埋，實時在尖沙咀。官方睇到呢個post嘅話，快啲去補鑊啦」，影片及照片可見當時尖沙咀當時下起大雨，海運大廈露天廣場設置的「飛船裝置」內展示數百款高達系列玩具，惟有雨水滲入展示櫃內的多款模型，地面亦有輕微水浸。 有網民留言「見到都心痛啲玩具」、「展品防水都做到咁」、「星期五都有落雨都冇咁嚴重，個展示櫃都好廢喎」、「今次變左水族館」，亦有高達迷留言諷刺，「測試水中作戰狀態」、「放心啦 高達設計基本上係防水」、「可以變成水戰場景」、「阿公數就無所謂，比賽展品佢就GG啦」、「全變水貨」。 Source link

出版：2026-Mar-30 11:30 更新：2026-Mar-30 11:30 Rocky似乎已走出「父女戀」陰霾。 現年58歲的前港男、「大隻Rocky」鄭健樂，早前與37歲女星崔碧珈(Anita)驚爆父女戀成為話題人物。Rocky曾在Facebook上改了status自稱「和Anita Chui在戀愛中」，並附上與崔碧珈的合照，不過女方事後卻否認戀情，稱自己單身二人僅是好朋友，更一度向男方大派好人卡，讚他是「認識的人當中最高分的男人」；不過，事情峰迴路轉，其後崔碧珈暗指Rocky裝單純追求她身邊好友，二人關係決裂。 Rocky 疑有新歡。 甜蜜海邊遛狗 儘管女方早已劃清界線，但單純的Rocky似乎遲遲未能走出這段感情，IG簡介上一直留著「@崔碧珈」與一顆愛心符號，直到上月才終於全數刪除，彷彿終於對這段情徹底死心。隨著這段單向的「父女戀」正式落幕，昨日（29日），Rocky在社交網曬出與一位疑似「新歡」的合照，二人頭貼著頭，笑容燦爛，還在海邊一起遛狗，他更在帖文寫下：「可愛的毛孩。」引來網民紛紛留言：「純愛戰士」、「唔好跟車太貼，分分鐘又係單戀，還可能係一廂情願嗰種」、「巴打，吸收上次經驗，保護自己」。 據知，該女子叫唐菲，她是女子組合B.Gs成員，既是歌手、演員，也是瑜伽導師及健身教練。除客串《愛．回家之開心速遞》外，還出演過《回歸》，並主持過旅遊節目，翻查她的社交網更有不少相當火辣的性感照。 唐菲今日（30日）更新IG限時動態，上載與大隻Rocky的聊天對話截圖，並向大隻Rocky公開表明不希望合照出現在他的IG，令到她造成困擾，並再次澄清二人沒有任何關係，連朋友都不是。 ADVERTISEMENT 邀請你率先參加屈臣氏集團「185周年歷史館」讀者導賞團 Source link

為慶祝「英皇娛樂25+ HAPPY BIRTHDAY慶典」，一眾英皇歌手輪流出動造勢，今次聯乘「BEAT FRIDAY」舉行《英皇盛世之夜 Canton Disco Vibes》，以英皇經典金曲到新派作品串連整個晚上，一首接一首，將現場氣氛由頭帶到落尾，熱鬧非凡。 昨晚（27日），周國賢（Endy）、曾傲棐（Arvin）、女團VIVA、黃明德（Dark）及黎展峯（Andy）齊齊現身派對，何佩瑜（Jeana）更驚喜客串擔任客席DJ打碟，溫碧霞（Irene）及楊天宇（Angus）亦有到場感受熾熱氛圍。全晚歌單充滿集體回憶，由《活著VIVA》、《隆重登場》、《明愛暗戀補習社》、《爆了》、《櫻花樹下》、《彌敦道》，到新派的《FOMO》、《FM520》、《免費升級》、《框框》，每一首都吸引不同年代的樂迷跟着大合唱，場面震撼。 經過一輪熱身後，Arvin、Andy、Dark及VIVA先後上台跟樂迷一齊跳唱，將現場氣氛逐步推高。壓軸登場的周國賢，音樂一響起，全場隨即陷入瘋狂尖叫，將整晚氣氛推向最高峰。原來Endy、Arvin、VIVA、Andy同Dark全部都係第一次參加Canton Pop Party，難怪個個都玩得特別投入。Endy更投入到即場脫掉外套，他興奮表示：「成晚都係自己公司嘅歌，感覺好得意，由舊歌到新歌，成個flow好順，見到台下啲人由頭唱到尾，自己都忍唔住跟住跳，同埋跳到除埋件外套，真係玩得好開心。」 VIVA全晚玩得極度興奮，成員們異口同聲表示：「原來係咁好玩，全部都係我哋自己公司嘅歌，好神奇。公司好多歌都係九十、二十年代嘅經典金曲，中間啲轉換超正，轉得好順。」成員Ada更分享了一段小插曲：「啱啲同啲DJ們指教咗一下，佢哋話播到第一個Chorus嘅時候就可以㩒細聲啲個音樂俾觀眾唱，點知我個Timing一㩒嘅時候就靜咗，哈哈，跟住DJ安慰我：『唔係你問題，係佢哋唔Get啫嗰下。』原來咁樣tune音樂係可以咁樣玩，要捉觀眾嘅Timing，玩吓Party嘅vibe，今晚係好enjoy。」 曾傲棐（Arvin）坦言感覺新鮮：「好似去咗食Omakase咁，同埋公司真係有好多好歌，又可以重溫經典，又可以同一班歌迷近距離接觸一齊玩，good㗎。」黎展峯（Andy）則大讚全晚氣氛：「今晚好正，尤其是係全晚都係我哋英皇嘅歌，同埋都係大家耳熟能詳嘅歌，佢最正嘅就係播小小前奏出嚟，大家就會跟住一齊唱，我覺得呢種感覺好有feel。」黃明德（Dark）亦笑言：「可以同我最愛嘅artist朋友、同事一齊跳舞，聽英皇嘅歌，但係又有少少Remix，今日真係好開心。」 Source link