買 Apple 產品，一向都好難搵到免息分期，特別係 iPhone，就算有銀行推出 iPhone for Life，都要你上台先有得免息分期。不過，今年似乎多咗可以免息分期嘅機會。八月嘅時候，就 Alipay HK 聯乘螞蟻銀行及中國銀行 (香港) 同 Apple 合作，限時喺 Apple Store 買嘢有得 12 個月免息分期。Alipay HK 可能未必個個都用，但好似 HSBC 滙豐，就好多人有用，最近都出招推免息分期，實在少見！想知詳情，睇下文啦！

HSBC 推出「我的分期計劃」

滙豐喺佢哋信用卡資訊 App 平台 Reward+ 入面，推出咗一站式分期計劃管理平台「我的分期計劃」(My Instalments)，用來管理分期付款計劃，只要你係滙豐信用卡客戶，就可透過「我的分期計劃」管理佢哋所有信用卡分期，查閱分期付款進度和時間表，並替計劃自定名稱。

兩大加碼優惠，享高達 6% 回贈 + 6 個月免息分期

推出新功能之餘，滙豐就順手出埋搶客招，推出兩大優惠：

001：即日起至 2024 年 1 月 31 日，滙豐信用卡客戶每新設立信用卡分期計劃可獲一枚印花，每兩枚印花可獲 $100「獎賞錢」。

002：即日起至 2023 年 11 月 30 日，持卡人在 Reward+ 應用程式上登記後，於 Apple Store 零售店及網上商店以滙豐信用卡透過 Apple Pay 消費，可獲額外高達 6% 回贈，最多可獲 $400 獎賞錢，而以該消費作 6 個月簽賬分期更可獲一次全數手續費回贈，相等於免息免手續費分期。

我睇過市場上關於 HSBC 滙豐信用卡比較，簽賬回贈最高嗰張，應該係滙豐 Red 信用卡，首 $12500 網上簽賬有高達 4% 簽賬回贈，其後網上簽賬可無上限賺取 1% 獎賞錢，並且永久免年費，用來以 Apple Pay 在 Apple Store 消費，最多慳 $677。而如果參考埋市場其他銀行信用卡回贈，其實恒生銀行嘅 MMPower World Mastercard，可享 5% 回贈之餘，每月回贈上限為 $800，若果你要攻頂，就用 MMPower World Mastercard 平多少少。