大部分手機都有多個後置鏡頭，但講到前置鏡頭，十有八九都係得一個鏡頭，真係想搵一部雙鏡頭嘅手機，選擇都唔係好多。最近大舖將一部 S7 Gen 1 嘅雙鏡頭自拍手機快閃減價，折扣高達 $800，二千中有交易，鍾意自拍嘅網友，又會唔會考慮呢一部？睇下文啦！

衛訊激筍優惠 小米 13 Lite 折扣高達 $800

說的是小米 13 Lite，見到衛訊做緊「本週激筍」優惠，將小米 13 Lite 快閃減價清貨，由建議零售價 $3299 減至 $2999，相比原價減咗 $300。你可能會問，減 $300 咁其實同出面大舖一樣啫，就算我哋成日講嘅豐澤網店、csl eShop 網店，都係賣緊呢個價啫，咁有乜咁抵？

其實今次衛訊呢個激筍優惠，並唔係淨係講淨機減價，而係佢哋會額外送 $400 超市現金券，咁 $400 超市現金券都係錢，可以畀你去超市 shopping 用，再加上如果用 HSBC 信用卡去衛訊網店輸入優惠碼「HSBC100」，仲可以享有額外 $100 折扣，加加埋埋即係折扣高達 $800，相等於 $2499 就買到小米 13 Lite，又係唔係好抵玩呢？

Click 呢條 Link 有購買傳送門

小米 13 Lite 硬件規格

規格方面，小米 13 Lite 採用咗 6.55 吋屏幕，解像度為 2400 x 1080，配備 Qualcomm Snapdragon 7 Gen 1 處理器，內置 8GB RAM 以及 256GB ROM，電池容量為 4500mAh，並支持 67W 快速充電。相機部分，小米 13 Lite 具有 5000 萬像素廣角 + 800 萬像素超廣角 + 200 萬像素微距三鏡頭，前置鏡頭則為 3200 萬像素廣角 + 800 萬像素景深的雙鏡頭組合。

小米 13 Lite 在文章發表時，大舖賣價為 $2999，按這裡有詳細規格及最新賣價。