
Grace開派對宣布佗B女。

王君馨去年12月宣布懷孕,早前她在YouTube頻道分享懷孕的心路歷程及感受。轉眼間,距離「卸貨」只有兩個月,Grace日前與衛詩、鍾舒漫和鍾舒祺等幾位好姊妹舉行Gender Reveal Party,正式宣布佗女。
Grace表示原本無打算搞派對,但好友們對於BB的性別各有見解,她笑說:「好幾個朋友好肯定咁話一定係仔,有啲就話發夢夢見我佗女,咁不如搞個Party大家開心吓啦!」派對中,見現場佈置上大量氣球,還有藍色粉紅色合併的蛋糕,眾人大玩遊戲、又手握手禱告、衛詩更拿着結他帶領唱歌,埸面溫馨,派對尾聲,由Grace和老公一起篤爆氣球,揭曉BB性別是女生,Grace笑言即使自己早已知道性別,但在倒數揭曉一刻心情仍然非常緊張。
Grace有感而發表示:「仲有差不多兩個月就做媽媽,緊張之後的日子係點,呢十幾年好感恩有好多好珍惜和好愛嘅姊妹,我覺得將來自己唔會一個人行,又有主陪我一齊行,好期待BB出世。」她續指:「今個月要好努力買晒屋企所有BB嘅用品、佢需要嘅嘢,其他就係可能要休息多啲。」

Visited 1 times, 1 visit(s) today