戀上西沙｜故事大綱 熱愛唱歌的Gigi想與表哥Andy組隊參加選秀節目面試，但不知如何向父親開口；母親阿妮為全家安排前往西貢度假，希望丈夫阿傑「開綠燈」，卻演變成夫妻失和，不歡而散。Gigi決定留低，姑媽玲玲姐着契仔Kyle相伴，其間Gigi得悉父親為家庭付出的犧牲……另一方面，Gigi一直只敢於獨處時歌唱，在Gigi迷失期間，遇上充滿朝氣活力的Kyle，在Kyle的幫助下，Gigi終衝破心理關口向夢想進發，二人的關係因而一日千里…… 戀上西沙｜上山下海拍攝音樂特輯 為了將最唯美的畫面及最動聽的歌曲呈現給觀眾，Gigi、李爾晨及林子超等一眾演員，走遍香港美景進行拍攝，拍攝地點包括西沙、西貢、馬鞍山及有香港「天空之鏡」之稱的泥涌石灘等；為了拍得最佳最靚角度，Gigi不惜攀山又涉水，除了會站立山頂、於環山包圍的美景下自彈自唱，還會坐「艇仔」遊覽香港。 Gigi在特輯中將自彈自唱《戀上西沙》主題曲《最動人一次》，還會分別清唱數句《有了你》，及獻唱《複雜》、《Only for me》、《Little Magic》、《透光者》及與海俊傑合唱《今生今世》，視覺聽覺享受兼備，而在最後的一小段， Gigi和劇組還精心設計了一個小彩蛋送給「Gi炎粉」，萬勿錯過。   主推靚景靚歌靚人的《戀上西沙》，除了Gigi及Gi式靚歌，還有大量其他精彩元素。在圈中是馳名大隻仔的Kyle，在特輯不時大晒超強胸肌及朱古力腹肌，無論線條或是弧度均相當吸睛，其中羅馬戰士裝束，更是相當搶焦！ 為了操出這身靚肌，Kyle之前花了極多功夫日操夜操，再配合節食及「甩水」，才有如此完美效果，Kyle說：「我永遠都擔心自己啲肌肉狀態係唔夠，所以知道要除衫後事前有加緊操練，同埋戒咗夜晚嗰餐。為咗個線條出啲，我都加強咗胸肌同腹肌嘅訓練，瞇埋眼就係咁操，同埋做埋甩水嘅部分。之前做運動員就唔使甩水，但退咗役就要。」 本身是前香港男子甲一排球員的李爾晨，於2016年為球隊奪得甲一排球聯賽冠軍、及首個全港公開馬拉松排球賽冠軍，再於翌年衛冕，體能有多強可想而知。不過由於Kyle拍攝《戀上西沙》期間要同時拍攝另一套劇，休息時間很少；加上當時正值冬天，他的角色又要不斷上水落水，令他一度擔心肌肉出來效果未如理想：「始終準備咗好耐，好驚唔係最好狀態。」 予人感覺是運動達人的Kyle，在特輯中是直立板、高爾夫球及棍網球專家，不過Kyle笑言其實他自己也是首次接觸相關三項運動，故此扮專家對他來說也是頗大挑戰。問到近況，三年前已開始投資健身室的Kyle，原來晃眼間已開到第七間健身室，年尾12月29日更會開設首間美容院，甚有生意頭腦。熱愛增值的Kyle，又指近期愛上打網球，更與鄧智堅、孔德賢、黃子恆、黃庭鋒等等是波友。 另一亮點，則落在與Kyle及Gigi均有不少對手戲的林子超身上。飾演Gigi表哥的子超，為人八卦又娿哿，加上表情動作都超誇張，自然十分搶戲！為了加重特輯的喜劇感，監製林肯安排了一場極級搞笑歌舞場面給子超及麥玲玲，二人以極搶眼造型跳唱《熱力節拍Wou Bom Ba》，由於成件事極gag，令Gigi及張美妮一度嚇到天然呆！       Source link

今年學界活動的卡士強勁，不同學校都邀請到人氣歌手演出。（網上圖片） 聖誕佳節將至，不少學校都舉辦聖誕聯歡活動，今年學界卡士強勁，張敬軒、MC張天賦、MIRROR、ERROR及ROVER都分別現身中學表演。MIRROR的Jeremy（李駿傑）、姜濤、Anson Lo（盧瀚霆）、Edan（呂爵安） ，ERROR的Fatboy（梁業）及ROVER的Kim （卓金樂）、Jason（雷濠權）、亨仔（陳鎮亨）及希晉（王希晉）昨日（20日）突襲樂善堂楊葛小琳中學，同學仔全不知情。 MIRROR四子現身校園演出。 ERROR的Fatboy擔任主持。 ROVER與現場同學互動。 當中「Strawberry小組」的姜濤、Anson Lo、Edan與Jeremy一出現就掀起整個活動的高潮，四子首次公開表演《Strawberry Love》，之後又與老師及同學仔一同組隊玩「大電視」遊戲。四子之後分別表演solo單曲，現場尤如小型演唱會。事後眾人均表示已很久沒有走入校園，這次來到中學演出當然很開心，但同時亦令大家勾起不少學生時代的記憶，紛紛說很懷念中學的生活，更預告明年將參與更多校園活動。 Edan演唱《E先生連環不幸事件》。 Anson Lo演唱《Hey Hey OK!》。 Anson Lo表演舞蹈。 Edan與師生合照。 姜濤選唱《Master Class》。 Jeremy則表演《Closer》。 姜濤在台上技癢跳舞。 Jeremy造型精緻。 另一邊箱，有網民則分享聖公會李福慶中學舉辦全校歌唱大賽，請到張敬軒擔任表演嘉賓，不少留言大呼羨慕，張敬軒更親自留言：「其實我係去參賽。」吸引不少網民分享自身求學時的經驗。 張敬軒現身另一學校的歌唱比賽。 張敬軒不時出席校園活動。 另一中學亦請到MC張天賦出席聖誕聯歡活動。 有網民透露是由學生會安排。 Source link

        《聲夢》畢業生林智樂（Felix）的演出成為本集一大亮點。在節目中先後獻唱了三首歌曲的林智樂，壓軸時獻唱的《完全因你》更是令人聽出耳油，ad-lib部分與現場管弦樂極之相配，贏得全場歡呼聲之餘，亦在網絡吸獲大量好評，被網民譽為TVB「寶藏新人王」。 網民：「好有力量嘅演繹，一人血書求返場」、「超級愛這個版本，開頭的清唱到第二段情緒層層遞進，中間的吟唱也好空靈，聽得好觸動」、「真的好好聽，看完聲生不息粉上你了，加油！！唱功好棒」、「聲線穩、有感情，努力加油」、「智樂仔將來一定係超強巨星」、「第一次在大舞台，還有咁多前輩，發揮已經係超水準」、「佢把聲真係好乾淨，好清澈，聽落去好舒服」、「寶藏新人王，強烈要求Felix可以返場做長駐嘉賓」、「Felix已經將這首歌變成自己的歌一樣，非常動聽！加油呀」。 林智樂年紀輕輕就能站上《聲生》舞台已令人相當期待，據知Felix本人亦對是次演出充滿期待，更一早帶定唱片向偶像容祖兒索取簽名，相當搞笑，並曾笑言能與周筆暢、李宇春和衛蘭等前輩同台，自己恍如經歷「追星日記」。據知原來Felix之前也曾面試參加《聲生》，可惜直到今次再成功入圍，故他接受專訪時笑言未到節目正式出街，都未敢興奮：「今次初初收到演出嘅消息時，其實好驚唔係，所以唔敢開心住，直到拍晒播埋出街先夠膽開心。」 林智樂又謂能與偶像祖兒同場勁興奮：「嗰日我綵排緊，因為識祖兒助手，祖兒知道我好鍾意佢，佢就喺我唱緊時突然出現我後面，拍一拍我膊頭叫我加油，當下我反應唔嚟，第一次咁近距離見偶像，成個人震晒，唔知講乜，終於明白粉絲見偶像時點解咁興奮。」 中四後到英國讀書的林智樂，2021年因報名參加首屆《聲夢傳奇》並成功入圍，毅然放棄在英國繼續升學的機會回港參賽，以17歲之齡成為最年輕男參賽者。雖然Felix於第六輪被淘汰，但他與炎明熹及孫漢霖比賽時合唱的《洋蔥》曾於YouTube收獲過百萬點擊；而首支個人派台單曲《忘記趁早》，亦錄得了逾50萬點擊率，以新人來說頗有成績。         Source link

張敬軒現身中學歌唱比賽　自言參賽IG出長文感謝歌迷 時近年尾假期，不少學校都會舉行歌唱比賽等聖誕活動，不過這間「聖公會李福慶中學」舉行的全校歌唱大賽就勁到請來張敬軒當嘉賓！早前有網民在社文平台分享相片，留言「學校sing con請軒公 打敗全港學生99.9999999%」，更引來張敬軒本尊留言。 為中學歌唱比賽做嘉賓。 張敬軒搞笑留言：「其實我係去參賽。」而在其個人IG，亦以歌曲〈青春告別式〉為背景音樂剪輯出影片，亦寫下長文感謝歌迷多年支持：「搵返呢一首歌嘅demo出嚟, 叫威廉幫我剪咗呢段片……近幾年一到年底, 隨住頒獎禮氣氛變得熾熱, 好多朋友都會去到街上幫我拉票, 希望我可以喺頒獎禮上台, 獲得好成績。其實如果唔係特登擰返轉個頭去睇, 我都醒唔起自己經歷咗三四代樂壇嘅變更。近四、五年以嚟, 歌迷同歌手之間嘅關係同以前相比真係唔同咗好多, 我自己都喺各種嘅新現象中慢慢觀察, 慢慢摸索出一個唔令大家失望, 又唔離自己嘅意願同初衷太遠嘅方法🤗」 感覺超級貼地。 當中提到歌迷為他拉票：「寒風嗖嗖嘅11、12月, 大家為咗我喺街頭為我同我嘅歌曲拉票, 當中嘅種種情義令我同我團隊當中嘅每一個人都十分之感動, 因為呢一份愛盛載住好多嘅守護同埋陪伴。我亦都常常感恩自己擁有眼前嘅一切, 呢一種同行嘅感覺越係喺呢個行業越耐, 就會覺得越珍惜。知道有為我喺街上、喺自己嘅朋友圈子入面拉票嘅朋友係今日中午知道<青春告別式>未能入圍五強而感到失落, 當中嘅各種心情我都十分明白, 但畢竟入行多年, 深知道一首作品的成功與否不能只靠獎項入圍或者獲獎與否去作為創作音樂嘅動力同衡量標準, 反而倒係擔心自己點樣可以安頓好大家內心遺憾嘅情緒。」最後感謝歌迷多年支持，決定剪片說一聲多謝：「於是, 我摷返一年幾前send畀公司同事嘅<青春告別式>原裝demo, 加上我呢大半年嚟當我喺唔同嘅地方所感受到、經歷到嘅愛同埋畫面, 拜託威廉幫我剪咗呢一段短片, 希望喺帶嚟安慰情緒嘅能量之餘亦都可以好好咁樣同大家講一聲多謝！目前所行到嘅每一步, 我已經好感恩好感恩了, 衷心多謝大家☺️❤️ 辛苦曬大家了！今日晏少少我會喺機場報佳音, 得閒嘅就入嚟聽我唱下聖誕歌啦😘 祝各位冬至快樂🫂🫶🏼」 不少網民都表示羡慕該中學的同學們。 IG剪輯新片感謝歌迷多年支持。 Source link