Duncan臨終前虛弱含笑訴心聲勁催淚 因在《異空感應》中表現出色，被指是今年頒獎禮男飛躍、甚至是男配大熱的阮浩棕，昨晚一集全方位展現多元演技。當Duncan知悉真兇竟是Dr.楊、及得悉Dr.楊是有心反屈他是兇手時，阮浩棕含著滿腔淚水演繹出的錯愕、驚恐及不甘均相當到位。而在醫院彌留時，一心強調自己清白及沒有怪責任何人的Duncan，則展現出令人敬佩的大方及明白事理一面，角色立體，尤其臨終前虛弱地但又努力地微笑著吐出的最後一句：「我好攰」，及表示最後心願是「同成家人齊齊整整咁食飯」的一句，更是點燃了網民的不捨情緒。     網民：算唔算tvb最悲慘角色十大之一 Duncan的悲劇人生、配以願意體恤及原諒別人的大方性格，難怪獲網民洗版式留言悼念：「過往tvb劇或者日本動漫有冇登勤咁慘嘅角色出現過」、「睇一個識做戲嘅人做戲，好舒服」、「嚟緊可以留意多啲Duncan啲戲」、「算唔算tvb最悲慘角色十大之一」、「莊定勤 壯絕嘅長眠」、「Duncan 一生坎坷」、「依家未嘗唔係解脫 只係早死得太慘烈」。     阮浩棕終獲嚴謹阮爸爸開口點讚：個仔終於識做戲喇 對於角色成功入屋，阮浩棕大表感恩，謙稱自己「尚有很多進步空間」，並謂不敢寄望任何演技獎項。阮浩棕接受訪問時，笑言劇集播出後多了不少熱情市民叫他Duncan及追問他劇情發展。談到之前曾批評阮浩棕戲屎的阮爸爸（阮惠源）這次有何評價，阮浩棕開心謂：「我爸爸今次真係有讚我喇，佢睇咗我演出話我做得好，同我講話：『個仔終於識做戲喇』。」 阮浩棕望莫負「上等孫」之名 之前曾表示希望搣甩「上等人（梁舜燕）個孫」稱號的阮浩棕，坦言今時今日有了新的想法，並謂只希望能對得住這個身份：「我依家冇諗太多喇，當然以前會唔想人哋淨係記得我呢個身份，反而依家接受咗。最近《異空》出街，好多人認識咗Duncan，亦因為呢個角色認識到阮浩棕，但到最後好多人都係叫番我『上等孫』。呢一刻我會為呢個身份自豪，亦覺得更加想要對得住呢個身份；嫲嫲在生時成日讚我做得好，好想對得住佢嘅讚賞。」             Source link

其實當Candy聽到Duncan要和自己結婚時，她先是露出難以置信的表情，緊接再猶如被催眠般進入狂喜狀態，並發出相當詭異的乾笑聲，相當好戲！之後因大受刺激被送回精神病院的Candy，與Dr. Fong對話時完全變了另一個狀態、既空洞又充滿怨恨，加上滴到落下巴的眼淚，著實我見猶憐。網民：「其實candy都好可憐」、「Candy好慘」、「佢真係做得好慘，我都被佢感重（染）到，好想去保護佢」、「終於有套代表作了」、「丁丁好癲」、「真係扮得好似」。     對於網民欣賞及支持，丁丁大表感恩，並分享了一些不為人知的幕後拍攝花絮，並坦言飾演Candy難以抽離：「其實拍除婚紗嗰下，起初我點掹都掹唔到件婚紗，試咗好多次都kick住；但一到正式roll機，就一嘢拉到，好神奇。拍呢場戲情緒都辛苦嘅，因為首先係要為咗結婚好開心咁，但好快就要跳去第二個情緒。本身大家都諗係咪需要啲時間去調整番個情緒，但因為件事都好趕急，我又唔想大家等好耐，所以都一嚟就拍，都試咗好幾take個情緒先終於去到。」   丁丁續指拍攝精神病院落淚戲時，一度喊到收唔到聲：「我喊咗好耐好耐，就算鏡頭唔係影住我，我都依然係咁喊。到我搭公司車走，我都依然抽搐緊。呢個角色慘在係好靠自己好用力咁去愛一個人，因為單方面去愛人係好易覺得攰，我未試過演一個角色會咁攰，攰過拍動作戲同捱夜。我覺得呢個角色榨乾咗我，我最終係要靠睇福音故事去抽離番，尋找番愛呢樣嘢。」     Source link

阿Mo於今日（24日）平安夜再度更新社交帳戶，在IG上載了一段昔日舊片段，緬懷著他與女友So Ching一起佈置聖誕樹的甜蜜時光，懷念過去的美好回憶。 阿Mo以英文為影片配文寫道：「my only wish for every Christmas-with @soching_nat」，由於早前的IG帖文字有提及到So Ching，因而惹來外界一度猜測二人感情生變的傳聞，今次阿Mo以行動表達了對女友的深情，似乎也澄清了情變的傳聞。而So Ching亦在影片下方留言：「🫶🏻💫」，繼續支持著阿Mo。   早前，阿Mo於12月18日再度更新IG，是他時隔14個月首度發文。阿Mo就在IG公開了一張身穿病人服的照片，相中所見，阿Mo分享了一張與一名戴口罩男子的合照，據推斷身旁的應為阿Mo的父親李盛林牧師，見到阿Mo坐在醫療設備上，身前有一部手機，有半邊手臂入鏡。阿Mo以英文寫道留言：「Probably the only human being who loves me so much and actually cares about my every Nano meter bit of improvement every single day （唯一如此愛我並真正關心我每天每一小進步的人）」 阿Mo撰文感激爸爸在復康之路上的長期陪伴，不過帖文中就並未提及女友So Ching。其實自阿Mo發生嚴重事故之後，一直僅由父親定期發佈代禱信以更新他的康復進展，阿Mo對上一次更新社交平台已是去年10月，當時則是由女友So Ching代為發文。   Source link